Watch Beth Jata Hun Mitti Pe Aksar

A wonderful poem about Life Dear Life whose Author we are still researching; however recited by one of the finest voices . . . Syed Jassim Ali with poetic visuals . . . Enjoy!

Poem Beth Jata Hun Mitti Pe Aksar
Poet Under Research
Voiceover Artist Syed Jassim Ali
Actor (Stills) Courtesy of Mikaal Zulfiqar
Produced & Edited by Tahira Rana

Poem in Roman Urdu

Beth jata hun mitti pe aksar,
Kyun ke mujhy apni auqat achi lagti hai…

Maine…
Samandar se seekha hai jeenay ka saliqa,
Chup chap se behna,
our apni mauj mai rehna…

Aesa Nahi hai ke mujh mai koi aeb nahi hai,
Par sach kehta hun!
Mujh mai koi faraib nahi hai…

Jal jatay hain meray andaz se meray dushman!
Kyun ke ek muddat se maine,
Na mohabbat badli,
Aur na dost badly…

Ek ghari khareed kar hath mai kya bandhli,
Waqt peechay hi parh gaya meray..

Sochta tha!
Ghar bana kar rahunga sukun se,
Par ghar ki zarurton ne musafir bana dala…

Sukun ki Baat mat kar ae “GHALIB“,
Bachpan wala itwar ab nahi ata…

Shouq tou Maa Baap ke paison se puray hotay hain,
Apnay paison se tou bas!
Zarurtain hi puri hopati hain…

Zindagi ki bhag daur mai,
Kyun waqt ke sath rangat kho jati hai?
Hansti, khelti zindagi bhi aam hojati hai…

Ek sawera tha!
Jab hans ke uthtay thay hum,
Aur aaj!
Kai Baar!
Bina muskurae hi shaam hojati hai…

Kitnay Durr nikal gye,
Rishton ko nibhatay nibhatay,
Khud ko kho dia hum ne!
Apnon ko paatay paatay…

Log kehtay hain!
Hum muskuratay bohat hain,
Aur hum thak gye,
Dard ko chupatay chupatay…

Khush Hun!
Aur sab ko Khush Rakhnay ki Koshish Karta hun…

Laaparwa hun!
Phir bhi sab ki parwa karta hun…

Maloom hai!
Koi mol nahi mera!
Phir bhi,
Kuch anmol logon se rishay rakhta hn…

Beth jata hun mitti pe aksar,
Kyun ke mujhy apni auqat achi lagti hai…